Ֆրանսիան բազմիցս դատապարտել է Իրանի շարունակվող միջուկային ծրագիրը․ Մակրոն

Ֆրանսիայի նախագահ Էմանուել Մակրոնը X-ում խոսել է Իսրայելի կողմից Իրանին հասցված հարվածների մասին՝ հայտարարելով, որ Ֆրանսիան «բազմիցս դատապարտել է Իրանի շարունակվող միջուկային ծրագիրը և ի պատասխան ձեռնարկել բոլոր անհրաժեշտ դիվանագիտական միջոցները»:

«Ողջ տարածաշրջանում կայունության սպառնալիքից խուսափելու համար բոլոր կողմերին կոչ եմ անում առավելագույն զսպվածություն ցուցաբերել և գնալ դեէսկալացիայի։ Կձեռնարկվեն բոլոր անհրաժեշտ քայլերը տարածաշրջանում մեր քաղաքացիների և մեր դիվանագիտական ու ռազմական առաքելությունների պաշտպանության համար: Կձեռնարկվեն նաև բոլոր միջոցները մեր ազգային տարածքի և մեր համաքաղաքացիների պաշտպանությունն ապահովելու համար:

Ֆրանսիան պատրաստ է համագործակցել իր բոլոր գործընկերների հետ՝ նպաստելու Մերձավոր Արևելքում դեԷսկալացմանը։ Այսօր ես խոսեցի Սաուդյան Արաբիայի թագաժառանգի, Հորդանանի թագավորի, Արաբական Միացյալ Էմիրությունների Նախագահի, Կատարի Էմիրի, Գերմանիայի կանցլերի, Մեծ Բրիտանիայի վարչապետի և Միացյալ Նահանգների նախագահի հետ: Տարածաշրջանում բոլորի խաղաղությունն ու անվտանգությունը պետք է լինի մեզ համար առաջնային», - գրել է Ֆրանսիայի նախագահը։