Հատուկ ծառայությունների աշխատակիցները շրջափակել են Սպիտակ տունը

ԱՄՆ–ի գաղտնի ծառայության աշխատակիցները երեկոյան շրջափակել են ԱՄՆ–ի նախագահի նստավայրի՝ Սպիտակ տան տարածքը կասկածելի ծխի պատճառով։ Այս մասիհն հաղորդում է «Reuters»–ը՝ վկայակոչելով անվտանգության ծառայություններին։ Այս պահին գաղտնի ծառայության աշխատակիցները հատուկ միջոցառումներ են իրականացնում տեղի ունեցած միջադեպն ուսումնասիրելու համար։

France-Presse լրատվական գործակալությունը հաղորդում է ծուխ արձակող պայթուցիկ սարքերը Սպիտակ տան տարածք են նետել «Գրավիր Wall Street–ը» շարժման ակտիվիստները, որոնք նախագահի նստավայրի առաջ բողոքի ցույց էին անցկացնում։ Դեպքի հետ կապված ձերբակալվածներ չկան, իսկ ցուցարարները ցույցից հետո հեռացել են տարածքից։

ԱՄՆ նախագահ Բարաք Օբաման միջադեպի ժամանակ նստավայրում չի եղել։ ԱՄՆ–ի նախագահը այդ պահին մոտակա ռեստորաններից մեկում նշելիս է եղել իր կնոջ՝ Միշելի ծննդյան օրը։

«Գրավիր Wall Street–ը» շարժման մասնակիցները բողոքում են սոցիալական անհավասարության և խոշոր կորպորացիաների կողմից վարվող ֆինանսա–տնտեսական քաղաքականության դեմ։