Իսրայելի գործողությունները մոտեցնում են Երրորդ համաշխարհային պատերազմին. վերլուծաբան

Իսրայելի գործողությունների պատճառով` Երրորդ համաշխարհային պատերազմն ավելի մոտ է, քան երբևէ։ Այս կարծիքը իտալական Il Fatto quotidiano թերթին տված հարցազրույցում հայտնել է ամերիկացի տնտեսագետ, վերլուծաբան, Կոլումբիայի համալսարանի (Նյու Յորք) Կայուն զարգացման կենտրոնի տնօրեն, պրոֆեսոր Ջեֆրի Սաքսը։

«Մենք հիմա ավելի մոտ ենք դրան, քան երբևէ։ Մեր կառավարությունները վարվում են լուցկիներ ունեցող երեխաների պես», - ասել է նա։

Վերլուծաբանը նշել է, որ Իսրայելը փորձում է գերիշխանության հասնել Մերձավոր Արևելքում և իր օգտին լուծել այն հակամարտությունները, որոնցում ներգրավված է։ Սաքսը նշել է, որ Իսրայելի վարչապետ Բենիամին Նեթանյահուն 30 տարի է, ինչ մշակում է իր ծրագիրը, որը ենթադրում է Մերձավոր Արևելքում գերիշխանություն՝ օգտագործելով արևմտյան արժեքները որպես վահան և ձգտելով ինքնավարության Միացյալ Նահանգներից։

Մասնագետը խոստովանել է, որ Իսրայելի վարչապետի գործողություններում ներքաղաքական պատճառներ չի տեսնում։ Նա նաև հավելել է, որ Իսրայելի և Իրանի միջև լարվածությունը չի համարում ԱՄՆ նախագահ Դոնալդ Թրամփի պարտություն, ինչում վստահ են շատ միջազգային փորձագետներ։

«Հարձակումը ծրագրվել է Միացյալ Նահանգների հետ համատեղ, նույնիսկ եթե լսենք հակառակ հայտարարություններ: Այս նախաձեռնությունը համապատասխանում է ԱՄՆ-Իսրայել դաշինքին», - եզրափակել է վերլուծաբանը: