Հնդկաստանում ինքնաթիռի կործանման հետևանքով զոհերի թիվը գերազանցել է 270-ը (լուսանկարներ)

Հնդկաստանում Boeing 787 ուղևորատար ինքնաթիռի վթարի հետևանքով զոհերի թիվը հասել է 274-ի: Այս մասին հաղորդում է NDTV-ն՝ հղում անելով տեղական իշխանություններին։

Հոդվածում ընդգծվում է, որ սա վերաբերում է միայն այն մարդկանց, որոնց մարմինները հայտնաբերվել են դեպքի վայրում և տեղափոխվել Ահմադաբադ քաղաքի հիվանդանոցի դիահերձարան: Մահացածների թվում են ոչ միայն ինքնաթիռում գտնվող ուղևորները, այլև նրանք, ովքեր գտնվել են գետնի վրա։

787 ինքնաթիռի վթարը Հնդկաստանի Գուջարաթ նահանգի Ահմադաբադ օդանավակայանի մոտ գտնվող Մեգհանինագար շրջանում տեղի է ունեցել հունիսի 12-ին: Ինքնաթիռը պատկանում էր Air India-ին և թռչում էր Ահմադաբադից Լոնդոն: Սակայն, թռիչքից գրեթե անմիջապես հետո ինքնաթիռը բախվել է բժշկական ուսանողների համար նախատեսված հանրակացարանին: Ընդհանուր առմամբ, ինքնաթիռում եղել է 242 մարդ, որոնցից միայն մեկն է ողջ մնացել։

Հունիսի 13-ին Hindustan Times-ը՝ հղում անելով աղբյուրներին, հաղորդել է, որ արտակարգ իրավիճակի վայրում հայտնաբերվել է ինքնաթիռի երկու ինքնագրիչներից մեկը: Մասնագետները գտել են «սև արկղը», որը գտնվում էր ինքնաթիռի հետևի մասում: Լրագրողների խոսքով՝ դրա վերծանմամբ կզբաղվի Քաղաքացիական ավիացիայի գլխավոր վարչությունը։