Ռուսաստանում աճում է պահանջարկը բարձր վարձատրվող աշխատանքային մասնագիտությունների նկատմամբ

«Միգրանտ Սերվիս» հարթակի վերլուծության համաձայն՝ 2025 թվականին վարորդը գլխավորել է ամենապահանջված աշխատանքային մասնագիտությունների հնգյակը, որոնց աշխատավարձը գերազանցում է 130 հազար ռուբլին։ Վարորդների վարձատրությունը արդեն կազմում է 125-160 հազար՝ պահանջարկի աճի և առաքման ոլորտի զարգանալու հետևանքով։

Երկրորդ հորիզոնականում են հայտնվել առաքիչները, որոնց աշխատավարձը կարող է հասնել մինչև 205 հազար ռուբլու՝ շնորհիվ առցանց պատվերների մեծացման և արագ առաքման անհրաժեշտության։ Երրորդ տեղում են արտադրական աշխատողները՝ 100-140 հազար ռուբլու միջակայքով, իսկ պահեստային աշխատողները ստանում են 115-150 հազար։

Կարևոր աճ է գրանցվել նաև շինարարության ոլորտում՝ աշխատուժի սուր պակասի պատճառով։ Ըստ կանխատեսումների՝ շինարարների աշխատավարձը 2025-ի վերջում կարող է հասնել 154 հազար ռուբլու։ Մասնագետները նշում են, որ աշխատավարձերի աճը կշարունակվի նաև տնտեսության այլ ոլորտներում՝ պայմանավորված ընդհանուր կադրային ճգնաժամով, հայտնում է Лента.ру-ն։