Իրանը գերձայնային հրթիռ է օգտագործել․ հարվածներ են հասցվել Իսրայելի կարևորագույն էներգետիկ օբյեկտներին (տեսանյութ)

Իրանը հարվածել է Իսրայելի կործանիչների համար վառելիք արտադրող օբյեկտների և էներգամատակարարման կենտրոնների վրա՝ 2025 թվականի հունիսի 15-ի գիշերը։ Այս մասին նշված է Իրանի Իսլամական հեղափոխության պահապանների կորպուսի պաշտոնական հայտարարության մեջ։

««Ճշմարիտ խոստում - 3» համատեղ հարձակողական գործողության շարունակության շրջանակում, ինչպես նաև սիոնիստական ռեժիմի այսօրվա ագրեսիվ և հանցավոր գործողությունների պատասխանին համարժեք՝ թիրախավորվել են թշնամու կործանիչների վառելիքի արտադրական օբյեկտներն ու էներգամատակարարման կենտրոնները՝ օգտագործելով մեծ քանակությամբ անօդաչու թռչող սարքեր և հրթիռներ», – նշվում է հայտարարությունում։

Իրանի Իսլամական հեղափոխության պահապանների կորպուսի ներկայացուցիչը նաև ընդգծել է, որ Իրանի զինված ուժերի գործողությունները «ավելի խիստ և մասշտաբային» կդառնան, եթե Իսրայելի հարձակումները շարունակվեն։

Fars լրատվական գործակալությունը պնդում է, որ էներգետիկ ենթակառուցվածքների օբյեկտները դարձել են Իսրայելի տարածքում Իրանի հրթիռային հարվածի թիրախ։

Գործակալության հաղորդագրության մեջ նշվում է, որ «ճշգրիտ հրթիռները հարվածել են Իսրայելի կարևորագույն էներգետիկ օբյեկտներին»։ Հրթիռային հարվածը, ըստ Fars-ի, խափանումներ է առաջացրել Իսրայելի կենտրոնական մասում էլեկտրամատակարարման համակարգում և նաև անջատել է որոշ կարևորագույն ենթակառուցվածքներ։

Իրանական Mehr լրատվական գործակալությունը իր հերթին հայտնում է, որ Իրանն Իսրայելի Հայֆա քաղաքին հարվածելու համար առնվազն մեկ հիպերձայնային հրթիռ է օգտագործել։

Nournews գործակալության աղբյուրի փոխանցմամբ՝ Իսրայելին հարվածելու համար օգտագործվել են նաև միջին հեռահարության Emad, Ghadr և Kheibar Shekan բալիստիկ հրթիռները։