Ինչից են ամենաշատը վախենում իսրայելցիները․ Bloomberg

Իսրայելցիները, որոնք քննադատում են վարչապետ Բենյամին Նեթանյահուի քաղաքականությունը մտավախություն ունեն, որ ռազմական գործողությունները երկար կտևեն, հայտնում է Bloomberg-ը:

«Շատերին ցնցել են իրանական հարվածների հետևանքով առաջացած ավերածությունների մասշտաբները, իսկ հաշվի առնելով այն, որ Իրանն իր զինանոցում ունի ևս 1500 հրթիռ, ռմբակոծությունները կարող են շարունակվել շաբաթներով», - գրում է գործակալությունը: Մերձավոր Արևելքի հարցերով որոշ փորձագետներ հարց են տալիս՝ ինչպես կարելի է լուծել հակամարտությունը, եթե Իսրայելը չկարողանա վերացնել իրանական միջուկային ծրագիրը, որի առանցքային օբյեկտները խորը գետնի տակ են:

«Մենք կհայտնվենք անվերջ պատերազմի վիճակում։ Իրանի վերաբերյալ Իսրայելում կոնսենսուսը, ինչպես ձախերի, այնպես էլ աջերի շրջանում, մտահոգիչ է: Ոչ ոք հարցեր չի տալիս և չի վիճարկում Նեթանյահուի գործողությունները», - հայտարարել Է Թել Ավիվում ազգային անվտանգության հետազոտությունների ինստիտուտի գիտաշխատող Դենի Ցիտրինովիչը։