Պակիստանը փակել է Իրանի հետ սահմանի բոլոր սահմանային անցումները․ Express Tribune

Պակիստանի հարավ-արևմտյան Բելուջիստան նահանգի իշխանություններն անորոշ ժամանակով փակել են Իրանի հետ սահմանի բոլոր սահմանային անցումները: Ինչպես հաղորդում է The Express Tribune պարբերականը՝ վկայակոչելով տեղի իշխանություններին։

Բելուջիստանի Գվադար և Փանջգուր շրջանների հսկիչ անցակետերը փակ են մինչև հետագա ծանուցումը: Դրանց միջոցով դադարեցվել է ոտքով երթեևեկությունը, այդ թվում՝ Իրանից վառելիքի առաքումը, ինչն արդեն նահանգում դրա պակասի պատճառ է դարձել։

Ձեռնարկված միջոցներն ուղղված են սահմանին չնախատեսված միջադեպերից խուսափելուն, ինչպես նաև իրանա-իսրայելական զինված հակամարտության հետևանքով առաջացած անորոշության պայմաններում հասարակական անվտանգության ապահովմանը: Բելուջիստանի կառավարությունը բնակիչներին խորհուրդ է տվել զգոն լինել լարվածության աճի կապակցությամբ և զերծ մնալ իրանական տարածք այցելելուց: