Իրանում իսրայելական հետախուզության երկու աշխատակից է ձերբակալվել

Ոստիկանությունը ձերբակալել է իսրայելական «Մոսադ» հետախուզական գործակալության երկու գործակալի Ռայի Ֆաշապույե թաղամասում (Թեհրանի հարավային արվարձան), հաղորդում է Tasnim գործակալությունը։

Գործակալության տվյալներով՝ ձերբակալվածներից առգրավվել է ավելի քան 200 կգ պայթուցիկ, 23 անօդաչու թռչող սարք, դրանց համար նախատեսված արձակման սարքեր, ուղղորդման համակարգեր և կառավարման վահանակներ։

Կիրակի օրը Իրանի Իսլամական հեղափոխության պահապանների կորպուսը (ԻՀՊԿ) հայտարարել է, որ հարվածներ է հասցրել Իսրայելի հետախուզական կենտրոններին: