Իսրայելն առանց ռազմական միջոցների՝ Իրանի հետ հակամարտությունը լուծելու ճանապարհ չի տեսնում․ դեսպան

Իսրայելը Իրանի հետ հակամարտությունը ոչ ռազմական ճանապարհով լուծելու հնարավորություն չի տեսնում։ Այս մասին ՏԱՍՍ-ի հետ զրույցում ասել է Ռուսաստանում Իսրայելի դեսպան Սիմոնա Գալպերինը։

«Այս պահին առաջնահերթությունը ցանկությունը, հնարավորությունը, մտադրությունները ոչնչացնելն է: Դրանք ոչնչացնելուց հետո կտեսնենք՝ ինչպես ճիշտ առաջ շարժվել»,- ասել է նա՝ պատասխանելով այն հարցին, թե ինչ դեր կարող է ունենալ Ռուսաստանը իրանաիսրայելական հակամարտության կարգավորման գործում։

«Դեռ վաղ է մտածել, թե ով, երբ և ինչպես կմասնակցի հակամարտության կարգավորմանը»,-հավելել է դեսպանը։