Ռուսաստանը կոչով դիմել է Իրանին և Իսրայելին

Ռուսաստանը Իրանին և Իսրայելին կոչ է անում առավելագույն զսպվածություն և հակամարտության դիվանագիտական կարգավորում: Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը, փոխանցում է Lenta-ն։

«Մենք տվյալ դեպքում կողմերին առավելագույն զսպվածության կոչ ենք անում, որպեսզի հետագայում այսպես թե այնպես անցնենք կարգավորման խաղաղ, քաղաքական-դիվանագիտական ուղու», - նշել Է Պեսկովը:

Կրեմլի պաշտոնական ներկայացուցիչը հավելել է, որ Մերձավոր Արևելքում իրավիճակը մնում է տագնապալի և «ընթանում է հետագա էսկալացիան սրելու ճանապարհով»: Նրա խոսքով՝ տարածաշրջանում պահպանվում է իրադարձությունների զարգացման «անկանխատեսելիության բարձր մակարդակը»։