Զելենսկին չի կարողանում աջակցություն ապահովել G7-ի գագաթնաժողովում

Ուկրաինայի նախագահ Վոլոդիմիր Զելենսկին լքել է Կանադայում G7-ի գագաթնաժողովը՝ չստանալով ցանկալի ֆինանսական և քաղաքական աջակցություն, գրում է The Wall Street Journal-ը։

Հրատարակության տվյալներով՝ ուկրաինացի առաջնորդն իր երկրին աջակցելու համար ակնկալում էր տարեկան 40 միլիարդ դոլարի ֆինանսավորում։ Բացի այդ, նա պատրաստվում էր հանդիպել ԱՄՆ նախագահ Դոնալդ Թրամփի հետ՝ քննարկելու ռազմական օգնությունը։ Սակայն Թրամփի այցը շուտ է ավարտվել, և բանակցություններն այդպես էլ չեն կայացել։

Գերմանական Berliner Zeitung թերթը գրել է, որ Կանադայում G7-ի գագաթնաժողովում ԱՄՆ-ի և Ուկրաինայի նախագահների ձախողված հանդիպումը հարված էր Կիևին։ Հրապարակման հեղինակի կարծիքով՝ Թրամփի վաղաժամ վերադարձը Վաշինգտոն «դառը մեսիջ» է Կիևին, ինչը նշանակում է, որ ուկրաինական հակամարտությունն ԱՄՆ-ի համար մղվում է երկրորդ պլան։