Ռուս ՍՈՎ-ի մարտիկը մեկ ամսով անհետացել է և գտնվել առանց երկու ոտքերի

Ուկրաինայում մասնակցելով ՍՈՎ-ին՝ Զաբայկալիայից ռուս զինվորական Վիկտոր Բոնդարենկոն մեկ ամսով անհետացել է, իսկ հետո գտնվել է՝ երկու ոտքերից զրկված։ Այս մասին պատմել է նրա կինը՝ ԶՌՏԿ տեղական հեռուստաալիքին։

Բոնդարենկոն, ով 33 տարվա ամուսնական կյանք ունի, նախապես չպետք է զորակոչվեր տարիքային սահմանափակման պատճառով, սակայն 2024-ի հուլիսին պայմանագիր է կնքել ՊՆ-ի հետ և մեկնել ռազմաճակատ։ Ամեն մարտական առաջադրանքից հետո զանգել է կնոջը՝ ասելով «ամեն ինչ նորմալ է, կենդանի եմ», սակայն մի օր կապն ընդհատվել է։

«Ամբողջ ամիս նա կապի դուրս չէր գալիս, արդեն խուճապի մեջ էի։ Բոլոր տեղերը զանգում էի։ Ասացին՝ սպասեք մեկ ամիս։ Հենց այդ ժամանակ, մեկ ամիս անց՝ գիշերը 12-ին զանգեց ու ասաց, որ ականի վրա է պայթել, կորցրել է երկու ոտքերը։ Գլխավորը՝ կենդանի է մնացել», — հիշում է կինը՝ Աննան։

Զինվորը մեկ ոտքը կորցրել է տեղում, իսկ մյուսը՝ ծանր բեկորային վնասվածքների պատճառով։ Վերջին ութ ամիսը նա անցկացնում է վերականգնման փուլում։