Վարչապետն` ընդդեմ Կաթողիկոսի. ինչպես է Փաշինյանի և եկեղեցու հակամարտությունը սպառնում պառակտել հայ հասարակությունը. BBC

«Սրբազան, գնա շարունակիր քեռուդ կնգան դոմփել, ինձ հետ ի՞նչ գործ ունես»: Դժվար է հավատալ, բայց հենց այս խոսքերով է ՀՀ վարչապետը մայիսի վերջին սկսել աննախադեպ արշավը եկեղեցու ղեկավարության դեմ, գրում է BBC-ն։

Նիկոլ Փաշինյանի կառավարությունն ու Հայ Առաքելական Եկեղեցին (ՀԱԵ) երբեք դաշնակիցներ չեն եղել։ Վարչապետը քննադատել է եկեղեցու հիերարխիան՝ նախորդ կառավարության հետ ունեցած կապերի համար, որը նա անվանել է «հանցավոր ռեժիմ»։ Եկեղեցին, մինչդեռ, կասկածանքով էր նայում նրա երիտասարդ թիմին, որն աշխատում էր արևմտամետ հասարակական կազմակերպություններում աշխատելու փորձով:

Ղարաբաղյան Երկրորդ պատերազմում կրած պարտությունից հետո Ամենայն Հայոց Կաթողիկոս (հոգևոր առաջնորդ) Գարեգին Երկրորդը կոչ արեց Փաշինյանին հրաժարական տալ, և հարաբերությունները վերջնականապես վատթարացան։ Բայց աշխարհիկ և հոգևոր իշխանությունները սովորեցին գոյակցել և ինչ-որ կերպ հարմարվել միմյանց մինչև անցյալ շաբաթ, երբ վարչապետը եկեղեցու ղեկավարին կոչ արեց  հրաժարական տալ:

Վերջին ուսումնասիրությունները ցույց են տալիս, որ ՀԱԵ-ին, որին դավանում է հայերի մեծամասնությունը, ավելի շատ են վստահում, քան կառավարությանը։

Այժմ Փաշինյանի և Կաթողիկոսի հակամարտությունը սպառնում է էլ ավելի պառակտել հայ հասարակությանը, ազդել հաջորդ տարի կայանալիք ընտրությունների ելքի և բացասաբար անդրադառնալ Ադրբեջանի հետ խաղաղ բանակցությունների վրա, ինչը կանդրադառնա ողջ տարածաշրջանին։