Իսրայելը հատուկ գործողություն կիրականացնի Ֆորդոյում իրանական միջուկային օբյեկտի դեմ․ Axios

Իսրայելը կարող է հատուկ ստորաբաժանումների գործողություն իրականացնել Ֆորդոյի իրանական միջուկային օբյեկտում, եթե ԱՄՆ-ն հրաժարվի հարված հասցնել դրան: Այս մասին հայտնում է Axios պորտալը՝ վկայակոչելով իսրայելական և ամերիկյան ղեկավարության աղբյուրները։

«Իսրայելը պնդում է, որ կարող է զգալի վնաս հասցնել օբյեկտին նույնիսկ միայնակ։ Տարբերակներից մեկը դիտարկվում է հատուկջոկատայինների արշավանք», - գրում է պարբերականը։

Աղբյուրների տվյալներով՝ Թել Ավիվն ավելի վաղ հայտարարել էր ԱՄՆ վարչակազմին, որ ռմբակոծությունների այլընտրանքը կարող է լինել ցամաքային գործողությունը: