Հաագան ՆԱՏՕ-ի գագաթնաժողովին ընդառաջ «ռազմական ամրոցի» է վերածվել․ AP

Նիդեռլանդների Հաագա քաղաքը ՆԱՏՕ-ի առաջիկա գագաթնաժողովին ընդառաջ վերածվել է «ռազմական ամրոցի», հայտնում է Associated Press-ը։

Հրատարակության տվյալներով՝ քաղաքում սպասվող միջոցառման պատճառով գործում են «անվտանգության գերխիստ միջոցներ»։ Խոսքը «Նարնջագույն վահան» կոչվող ռազմական ու ոստիկանական լայնածավալ գործողության մասին է»,- ասվում է տեքստում։

«Ռազմական ոստիկանությունը կպաշտպանի պատվիրակություններին: Ֆրեգատները կպարեկեն Հյուսիսային ծովը, F-35 կործանիչները և Apache ուղղաթիռները կբարձրանան երկինք, իսկ հակաօդային պաշտպանության համակարգերը կլինեն զգոնության մեջ: Սակրավորների խմբերը սանրելու են պայթուցիկները գտնելու վայրը»,- գրում է AP-ն:

Նշվում է, որ սա «Նիդեռլանդներում երբևէ իրականացված անվտանգության ամենամեծ գործողությունն է»։ Ըստ նյութի՝ քաղաքի որոշ շրջաններ արգելափակվելու են, ճանապարհներն ու օդային տարածքը փակ կլինեն։

Գագաթնաժողովը տեղի կունենա հաջորդ շաբաթ՝ հունիսի 24-25-ը, Հաագայում։ Թեմաները լինելու են զսպումն ու պաշտպանությունը։ Հանդիպման հիմնական նպատակն է խրախուսել անդամ երկրներին՝ ավելացնելու իրենց համակցված բյուջետային ներդրումները մինչև իրենց ՀՆԱ-ի 5%-ը: