Իսրայելի հարձակումն անակնկալի է բերել Պարսից ծոցի երկրներին․ Bloomberg

Իրանի դեմ Իսրայելի ռազմական գործողության մեկնարկը միջուկային գործարքի շուրջ բանակցությունների թեժ պահին անակնկալ էր Պարսից ծոցի արաբական երկրների համար: Այս մասին հայտնում է Bloomberg-ը՝ հղում անելով իր աղբյուրներին։

Նրանց տեղեկություններով՝ տարածաշրջանի պետությունները տեղյակ էին Իսրայելի մտադրությունների մասին, սակայն ցնցված էին վարչապետ Բենյամին Նեթանյահուի՝ հարված հասցնելու որոշումից հենց այն պահին, երբ Թեհրանը բանակցություններ էր վարում ԱՄՆ-ի հետ միջուկային գործարքի շուրջ:

Գործակալության զրուցակիցների խոսքով՝ արաբական երկրների մոտ տպավորություն է ստեղծվել, որ նրանք գերագնահատել են ԱՄՆ նախագահ Դոնալդ Թրամփի՝ Իսրայելի վարչապետի գործողությունները զսպելու ունակությունը: Պարսից ծոցի երկրներում աճում են մտավախությունները, որ Իրանը կարող է հարվածներ հասցնել իրենց նավթային ենթակառուցվածքներին և դրանով իսկ խափանել տարածաշրջանի տնտեսական զարգացման ծրագրերը: