Պեսկովը խոսել է Եվրոպայում պոպուլիզմի մասին

Եվրոպական երկրների մեծ մասում հաղթանակել է «սարսափելի պոպուլիզմը», և իշխանության են եկել ոչ կոմպետենտ քաղաքական գործիչներ, որոնք չունեն գործողությունների երկարաժամկետ ծրագիր։ Սանկտ Պետերբուրգի միջազգային տնտեսական ֆորումի շրջանակներում RBC-ին տված հարցազրույցում նման կարծիք է հայտնել ՌԴ նախագահի մամուլի քարտուղար Դմիտրի Պեսկովը։

Ըստ նրա՝ սրանք քաղաքական գործիչներ են, ովքեր չեն կարողանում մտածել իրենց հաջորդ ընտրությունների հորիզոնից այն կողմ, ուստի «ապրում են» միայն մինչև հաջորդ ընտրություններ։

«Իրենց ժողովրդի, նրանց երկրի ճակատագիրը առաջիկա մի քանի տասնամյակների կամ հարյուրամյակների համար կատեգորիաներ են, որոնց մասին մտածում են, օրինակ, Չինաստանը և Ռուսաստանը, բայց եվրոպացիներին այս ամենը չի հետաքրքրում»,-ասել է Պեսկովը։

Նա հավելել է, որ նման քաղաքականությունը եվրոպական մայրցամաքում տեկտոնական տեղաշարժերի հետևանք է։