Ռուսաստանը նախազգուշացնում է ԱՄՆ-ին չմիջամտել Իրան-Իսրայել հակամարտությանը․ ՌԴ ԱԳՆ

Ռուսաստանի Դաշնությունը զգուշացնում է ԱՄՆ-ին Իրանի և Իսրայելի միջև հակամարտությունում ռազմական միջամտությունից: Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ ելույթ ունենալով Սանկտ Պետերբուրգի միջազգային տնտեսական ֆորումի (SPIEF) շրջանակում կայացած ճեպազրույցում, փոխանցում է РИА Новости-ն։

Նրա խոսքով՝ ԱՄՆ-ի նման քայլը չափազանց վտանգավոր կլինի՝ իրապես անկանխատեսելի բացասական հետևանքներով։

Ինչպես նշել է դիվանագետը, Մոսկվան հույս ունի, որ Իրանի և Իսրայելի հետ կապված իրավիճակում կգերակայի «այսօր գոյություն ունեցող առկա խնդիրների փոխադարձ ընդունելի բանակցային լուծումներ գտնելու այլընտրանքի բացակայության ըմբռնումը»։