Պուտինն ասել է՝ ինչ կլինի, եթե Գերմանիան Կիևին Taurus հրթիռներ մատակարարի

Գերմանիայի կողմից Ուկրաինային Taurus թևավոր հրթիռների մատակարարումը չի ազդի ռազմական գործողությունների ընթացքի վրա, սակայն լրջորեն կվատթարացնի հարաբերությունները Ռուսաստանի հետ։ Այս մասին հայտարարել է ՌԴ նախագահ Վլադիմիր Պուտինը համաշխարհային լրատվական գործակալությունների ղեկավարների հետ հանդիպմանը։ Հեռարձակումը հասանելի է Смотрим հարթակում։

«Եթե դա տեղի ունենա, դա չի ազդի ռազմական գործողությունների ընթացքի վրա: Բայց դա լիովին կփչացնի մեր հարաբերությունները: Մենք Գերմանիային դիտարկում ենք՝ որպես Ուկրաինային սատարող կողմ, իսկ որոշ դեպքերում՝ որպես հանցակից»,- ընդգծել է պետության ղեկավարը։

Պուտինը պարզաբանել է, որ Գերմանիան, ինչպես եվրոպական մյուս երկրները, այլևս չի համարվի չեզոք պետություն հակամարտությունում։

Ռուսաստանի ղեկավարն ընդգծել է, որ պատրաստ է շփումների Գերմանիայի դաշնային կանցլեր Ֆրիդրիխ Մերցի հետ։