Փաշինյանը ԵԱՏՄ ֆորումին կմասնակցի հեռակա ձևաչափով

ՀՀ վարչապետ Նիկոլ Փաշինյանը կմասնակցի Եվրասիական տնտեսական միության (ԵԱՏՄ) առաջիկա ֆորումին տեսակապի միջոցով։ Այս մասին հայտնել է Բելառուսի ԱԳ նախարար Մաքսիմ Ռիժենկովը, փոխանցում է ԲԵԼՏԱ գործակալությունը։

ԵԱՏՄ անդամ երկրների մյուս ղեկավարները հաստատել են իրենց մասնակցությունը ֆորումին, այդ թվում՝ Ռուսաստանի նախագահ Վլադիմիր Պուտինը, Ղազախստանի նախագահ Կասիմ-Ժոմարտ Տոկաևը, Ղրղզստանի նախագահ Սադիր Ժապարովը և Բելառուսի նախագահ Ալեքսանդր Լուկաշենկոն, ով կխոսի նաև ֆորումի լիագումար նիստում։

Նշենք, որ ավելի վաղ ՀՀ էկոնոմիկայի նախարար Գևորգ Պապոյանը հայտարարել էր, որ ԵՄ ինտեգրացիայի ուղղությամբ օրենսդրական բարեփոխումները չեն նշանակում Հայաստանի դուրս գալը ԵԱՏՄ-ից, սակայն անդամակցությունը ԵԱՏՄ-ին ապագայում համատեղելի չի լինի ԵՄ անդամակցության հետ։