Լատվիան արգելել է ռուսներին գնել անշարժ գույք իր երկրում

Լատվիայի Սեյմը երրորդ ընթերցմամբ ընդունել է օրենք, որը արգելում է Ռուսաստանի և Բելառուսի քաղաքացիներին և ընկերություններին գնել անշարժ գույք երկրում։ Քվեարկությանը կողմ են եղել 69 պատգամավոր, դեմ՝ 8։

Բացի ֆիզիկական անձանցից, արգելքը վերաբերում է նաև այն ընկերություններին, որտեղ այդ երկրների քաղաքացիներն ունեն առնվազն 25% բաժնեմաս։ Բացառություն կարվի ժառանգության կամ դատարանի միջոցով ճանաչված սեփականության համար, ինչպես նաև այն անձանց համար, ովքեր մշտական կեցության թույլտվություն են ունեցել օրենքի ուժի մեջ մտնելուց առաջ, գրում է Лента.ру-ն։

Ավելի վաղ Ֆինլանդիայի կառավարությունն առաջարկել էր նմանատիպ արգելք՝ Ռուսաստանի քաղաքացիների կողմից անշարժ գույքի ձեռքբերման վրա։