«Պատմական հանդիպում». արդյո՞ք ԼՂ–ում պատերազմը փակել է ցեղասպանության թեման․ BBC

Ուրբաթ օրը Հայաստանի վարչապետը ժամանեց Ստամբուլ՝ Թուրքիայի նախագահի հրավերով։ Սա այս մակարդակի առաջին հանդիպումն է երկու երկրների ղեկավարների միջև։ Սակայն եթե Նիկոլ Փաշինյանը ձգտում է արագ կարգավորման, ապա Ռեջեփ Թայիփ Էրդողանը պայման է դնում Հայաստանի և Ադրբեջանի հաշտեցման համար։ Գրում է BBC-ն։

 

Երկու երկրների դիրքորոշումների մերձեցումը սկսվեց Փաշինյանի կողմից լայնածավալ զիջումներով։ Ղարաբաղը որպես Ադրբեջանի մաս ճանաչելը, հարևանների նկատմամբ տարածքային պահանջներից հրաժարվելը և ցեղասպանության հարցը օրակարգից հանելը նշանակում են, որ այլևս խոչընդոտներ չկան հարաբերությունների կարգավորման և Հայաստանի ու Թուրքիայի միջև սահմանների բացման համար։

 

Սակայն Անկարան նախապայման ունի. նախ պետք է խաղաղության համաձայնագիր ստորագրվի Հայաստանի և Ադրբեջանի միջև:

 

Էրդողանի կառավարությունը բազմիցս հայտարարել է, որ Հայաստանը նախ պետք է խաղաղության պայմանագիր կնքի Ադրբեջանի հետ, և միայն դրանից հետո կարող է խոսել հարաբերությունների կարգավորման մասին:

 

Հայկական դիվանագիտության խնդիրն այժմ այս երկու գործընթացները միմյանցից անջատելն է։ Փաշինյանի և Էրդողանի հանդիպման արդյունքները ցույց կտան, թե արդյոք Թուրքիան պատրաստ է դրան։