Թրամփի «ոսկե դարաշրջանը» բախվում է տնտեսական մռայլ կանխատեսումներին

ԱՄՆ նախագահ Դոնալդ Թրամփի երկրորդ ժամկետը հայտարարված «ոսկե դարաշրջան» այս պահին չի իրականանում՝ Դաշնային ռեզերվի պաշտոնյաների գնահատմամբ։ Ֆեդը կանխատեսում է ավելի դանդաղ տնտեսական աճ, գործազրկության աճ և բարձրացված գնաճ։ Փոխարենը, նախատեսված տոկոսադրույքների կրճատումները հետաձգվել են մինչև աշուն՝ սպասելով Թրամփի՝ մաքսային նոր որոշումներին, որոնց վերջնաժամկետը հուլիսի 9-ն է։

Թրամփը, իր հերթին, հրապարակայնորեն քննադատում է Ֆեդի նախագահ Ջերոմ Փաուելին՝ տոկոսադրույքները չկրճատելու համար, մինչդեռ Եվրոպական կենտրոնական բանկը շարունակում է մեղմացնել դրամավարկային քաղաքականությունը։ Այս ընթացքում ԱՄՆ տնտեսական տեսլականը զգալիորեն վատթարացել է․ ՀՆԱ աճի կանխատեսումը իջեցվել է մինչև 1.4%, գործազրկության մակարդակը՝ կանխատեսվում է 4.5%-ի բարձրացում մինչև տարվա վերջ։ Գնաճը կարող է հասնել մինչև 3%՝ գերազանցելով Ֆեդի 2%-անոց թիրախը մինչև 2026 թվականը։

Թեև շուկաները դեռևս պահպանում են կայուն վիճակ, Powell-ը զգուշացրել է․ աշխատանքային շուկան թուլանում է, և եթե կրճատումները ակտիվանան, գործազրկության մակարդակը կարող է կտրուկ աճել։ Մինչ այժմ միայն Մեծ Բրիտանիայի հետ է կնքվել սահմանափակ մաքսային համաձայնագիր, և հուլիսի 9-ի մաքսային որոշումները կարող են սրել իրավիճակը՝ բարդացնելով տնտեսության վերականգնումը, հայտնում է Reuters-ը։