Կրեմլը ԱՄՆ գործողությունների պատճառով՝ Իրանում ծայրահեղականության աճ է կանխատեսում

Իսրայելի և Իրանի միջև հակամարտությունում ԱՄՆ միջամտությունը կուժեղացնի ծայրահեղականներին Իրանի ներսում և «կբացի Պանդորայի արկղը»: Այս մասին Sky News-ի եթերում հայտարարել է ՌԴ նախագահի մամուլի քարտուղար Դմիտրի Պեսկովը։

Նա ընդգծել է, որ ԱՄՆ միջամտությունը կհանգեցնի Իրանի կողմից հակազդեցության։ Պեսկովի խոսքով՝ հանրապետության հասարակությունը լավ կազմակերպված և համախմբված է, և Վաշինգտոնի գործողությունները կհանգեցնեն Իրանի ներսում ծայրահեղականության աճին։

Այս կերպ նա մեկնաբանել է ԱՄՆ աջակցությամբ Իսրայելի կողմից Իրանի գերագույն առաջնորդ այաթոլլա Ալի Խամենեիի հնարավոր լիկվիդացման հետևանքները։

Axios-ը, վկայակոչելով աղբյուրների, ավելի վաղ հայտնել էր, որ ԱՄՆ-ը կարող է հարվածել Ֆորդոում գտնվող Իրանի միջուկային օբյեկտին աշխարհի ամենահզոր ոչ միջուկային ռումբով: