Ռուսաստանը չի բացառում, որ Հայաստանը կարող է փակել երկինքը ռուսական ավիացիայի համար

ՌԴ փոխվարչապետ Ալեքսեյ Օվերչուկը Պետերբուրգի միջազգային տնտեսական համաժողովի շրջանակում հայտարարել է, որ Հայաստանի եվրոպական ինտեգրման խորացման դեպքում հնարավոր է, որ երկիրը ստիպված լինի փակել օդային տարածքը ռուսական ինքնաթիռների համար։ «Եթե անդամակցեք ԵՄ-ին, ապա Բրյուսելում ձեզ կասեն փակել երկինքը, ու դա անելու ընտրություն չեք ունենա», — նշել է Օվերչուկը։

Այս փուլում Երևանը հայտարարում է, որ ԵՄ-ին անդամակցելու վերաբերյալ բանակցություններ չեն տարվում։ ՀՀ ԱԳ նախարար Արարատ Միրզոյանը վերջերս ընդգծել էր, որ նման հայտ ներկայացված չէ։ Սակայն ավելի վաղ նախագահ Վահագն Խաչատրյանը ստորագրել էր օրենք՝ եվրաինտեգրման գործընթացը մեկնարկելու մասին, նախատեսելով «ճանապարհային քարտեզի» քննարկում և հետագա հանրաքվե, գրում է Лента.ру-ն։

ՌԴ ԱԳՆ պաշտոնական ներկայացուցիչ Մարիա Զախարովան ընդգծել է, որ ԵԱՏՄ-ի հետ համագործակցությունը Հայաստանին մեծ տնտեսական շահեր է ապահովում և նշել է, որ ԵՄ-ին անդամակցությունը անհամատեղելի է ԵԱՏՄ-ի անդամության հետ։