ԵՄ-ն ցանկանում է վերանայել Իսրայելի հետ ասոցացման համաձայնագիրը
Աշխարհ
ԵՄ արտաքին գործերի նախարարները ցանկանում են վերանայել Իսրայելի հետ ասոցացման համաձայնագիրը՝ կապված հրեական պետության կողմից Պաղեստինի տարածքներում, Լիբանանում, Սիրիայում և Իրանում մարդու իրավունքների խախտման հետ։ Այդ հարցը նախատեսված է քննարկել երկուշաբթի՝ Բրյուսելում: Նոր փաստաթուղթը պատրաստել է ԵՄ գլխավոր դիվանագետ Կայա Կալասը։
Ըստ մասնագետների՝ ԵՄ-Իսրայել Ասոցացման համաձայնագրի լիակատար կասեցումը քիչ հավանական է, սակայն համաձայնագրի որոշ մասեր, որոնք, օրինակ՝ վերաբերում են առևտրին, կարող են կասեցվել։ Դրա համար միության բոլոր 27 անդամ երկրների համաձայնությունը պարտադիր չէ:
Իսրայելի դեմ հնարավոր միջոցառումները կարող են ներառել իսրայելական արտադրանքի հանդեպ մաքսատուրքերի սահմանումը և Իսրայելի մասնակցության կասեցումը հետազոտական նախագծերին, ինչպիսին Horizon Europe-ն է:
Եվրոպական 8 երկիր արդեն նամակ է ուղարկել ԵՄ-ին՝ խնդրելով դադարեցնել առևտուրն Իսրայելի օկուպացրած պաղեստինյան տարածքներում գտնվող բնակավայրերի հետ։
ԵՄ-ն Իսրայելի ամենամեծ առևտրային գործընկերն է, որի առևտրի ծավալն անցյալ տարի կազմել է 42.6 միլիարդ եվրո։ Նախատեսված միջոցառումները կարող են խիստ բացասական հետևանքներ ունենալ հրեական պետության համար:
ՈՒՂԻՂ ԵԹԵՐ
Ամենադիտված 
Թուրքիան արդեն մտավ Մեղրի, մենք այլևս չենք կարող վերահսկողությունը հետ վերցնել. քաղաքագետ (տեսանյութ)
