Իրանն իրավունք ունի միջուկային տեխնոլոգիաները օգտագործել խաղաղ նպատակներով. Պուտին

Ռուսաստանը դեմ է զանգվածային ոչնչացման զենքի տարածմանը, այդ թվում՝ Իրանի կողմից դրանց ձեռքբերմանը։ Այս մասին հայտարարել է Ռուսաստանի նախագահ Վլադիմիր Պուտինը Sky News Arabia-ին տված հարցազրույցում։

Նրա խոսքով՝ ռուսական կողմը պատրաստ է աջակցել Իրանին խաղաղ միջուկային էներգիայի զարգացման գործում։ Այս համատեքստում Ռուսաստանի ղեկավարը ընդգծել է, որ իրանական կողմն իրավունք ունի օգտագործել միջուկային տեխնոլոգիաները խաղաղ նպատակներով։

Նույն հարցազրույցի ժամանակ պետության ղեկավարը հայտարարել է, որ Ռուսաստանը բազմիցս տեղեկացրել է Իսրայելին, որ Իրանի կողմից միջուկային զենք ձեռք բերելու ծրագրերի վերաբերյալ որևէ ապացույց չկա։