Վրաստանը պատրաստակամ է շարունակել ակտիվ համագործակցությունը. Երևանում հանդիպել են ԱՍՀ նախարարն ու Սարջվելաձեն
Հայաստան
ՀՀ աշխատանքի և սոցիալական հարցերի նախարար Նարեկ Մկրտչյանը Երևանում հանդիպում է ունեցել Վրաստանի օկուպացված տարածքներից ներքին տեղահանված անձանց, աշխատանքի, առողջապահության և սոցիալական հարցերի նախարար Միխեիլ Սարջվելաձեի հետ։
Ինչպես հայտնել են նախարարությունից, Վրաստանի նախարարը Հայաստան էր ժամանել՝ մասնակցելու Աշխատանքի և սոցիալական հարցերի նախարարության կողմից անցկացվող Սոցիալական արդարության միջազգային ամենամյա 3-րդ համաժողովին։
Հանդիպման ընթացքում նախարարները քննարկել են աշխատանքի և սոցիալական պաշտպանության ոլորտում փոխադարձ հետաքրքրություն ներկայացնող մի շարք հարցեր։ Մասնավորապես անդրադարձ է կատարվել կենսաթոշակային ապահովության, սոցիալական պաշտպանության, աշխատաշուկայի կարգավորման և ոլորտային այլ ուղղություններով համագործակցության հնարավորություններին։
Նախարար Միխեիլ Սարջվելաձեն շնորհակալություն է հայտնել ջերմ ընդունելության և համաժողովի կազմակերպման համար՝ նշելով Վրաստանի պատրաստակամությունը շարունակելու ակտիվ համագործակցությունը սոցիալական արդարության ապահովման և ոլորտային այլ ուղղություններով։
Հանդիպման ավարտին կողմերը պայմանավորվել են նշանակել համապատասխան պատասխանատուներ՝ հետագա աշխատանքներն առավել արդյունավետ համակարգելու և դրանց համապատասխան ընթացք տալու նպատակով։
ՈՒՂԻՂ ԵԹԵՐ
Ամենադիտված 
ՀՀ-ում ԱՄՆ դեսպանատնից լավ լուր․ նոր հնարավորություններ՝ հայ զինվորականների համար
