Իրանը կշարունակի իր միջուկային ծրագիրը ԱՄՆ-ի հարվածներից հետո․ Մեդվեդև

Ռուսաստանի Անվտանգության խորհրդի փոխնախագահ Դմիտրի Մեդվեդևը վստահ է, որ Իրանը կշարունակի իր միջուկային ծրագիրը ԱՄՆ-ի հարվածներից հետո, և որ կարևորագույն ենթակառուցվածքները լուրջ վնաս չեն կրել։

«Ի՞նչի հասան ամերիկացիները Իրանի երեք կետերի վրա գիշերային հարվածներով։ Միջուկային ցիկլի կարևորագույն ենթակառուցվածքը, ըստ երևույթին, չի վնասվել կամ վնասվել է աննշան չափով», - հայտարարել է քաղաքական գործիչը։

«Միջուկային նյութերի հարստացումը, և այժմ կարող ենք ուղղակիորեն ասել՝ միջուկային զենքի ապագա արտադրությունը, կշարունակվի», - գրել է Մեդվեդևը իր տելեգրամյան ալիքում։