Նիգերիայում ահաբեկիչը փախել է իրեն տեղափոխող ավտոմեքենայից

Նիգերիայում Սուրբ ծննդյան տոնակատարությունների ժամանակ կաթոլիկ եկեղեցու տարածքում իրականացված ահաբեկչությունների ենթադրյալ կազմակերպիչը, որը ձերբակալվել էր՝ փախել է իրեն տեղափոխող ոստիկանական մեքենայից։ Այս մասին հաղորդում է Associated Press–ը։

Նիգերիայի ոստիկանությունը հայտարարել է, որ Կաբիր Սոկոտոյին հաջողվել է փախչել նրան ոստիկանական մեկ այլ բաժանամունքից Նիգերիայի մայարաքաղաք Աբուջայի ոստիկանական բաժանմունք տեղափոխելու ընթացքում։

Հանցագործը դեռևս չի հայտնաբերվել։ 

Հիշեցնենք, որ դեկտեմբերի 25–ին նշվող Սուրբ ծննդյան տոնակատարությունների ժամանակ Նիգերիայի կաթոլիկ մի քանի եկեղեցիներում պայթյուններ էին իրականացվել, որոնց պատասխանատվույունը ստանձնել էր «Բոկո Խարամ» արմատական իսլամական շարժումը։ Ահաբեկչությունների հետևանքով սպանվել էր ավելի քան 40 մարդ։ 

«Բոկո Խարամ» շարժումն ակտիվացել է 2011 թվականի գարնանը, երբ Նիգերիայի նախագահ Գուդլաք Ջոնաթանը քրիստոնեություն էր ընդունել։ Անցյալ տարվա օգոստոսին նույն շարժման անդամները պայթեցրել էին Աբուջայում գտնվող ՄԱԿ–ի ներկայացուցչության շենքը, որի հետևանքով զոհվել էր 24 մարդ, իսկ դեկտեմբերի սկզբին Նիգերիայի հյուսիսում իրականացրած մի շարք հարձակումների հետևանքով զոհվել էր մոտ 150 մարդ։