Ֆորդոյում միջուկային օբյեկտը մասամբ է վնասվել ԱՄՆ-ի հարվածներից (լուսանկարներ)

Tasnim-ը հաղորդում է, որ Ֆորդոյում իրանական միջուկային օբյեկտը միայն մասամբ է վնասվել ԱՄՆ հարվածներից։

«Շրջակա տարածքում իրավիճակը նորմալ է, կյանքը շարունակվում է իր բնականոն հունով, նույնիսկ ծուխ կամ հրդեհի նշաններ չկան։ <…> Նահանգային պաշտոնյաները հերքում են Թրամփի պնդումները Ֆորդոյում օբյեկտի ոչնչացման մասին և հայտնում են միայն մասնակի վնասի մասին», - հաղորդել է գործակալությունը՝ հղում անելով տեղի իշխանություններին։

Լրատվամիջոցների տվյալներով՝ Ֆորդոյում քիմիական կամ ռադիոակտիվ աղտոտվածություն չի նկատվել։

Նշենք, որ համացանցում տարածվել են Իրանի Ֆորդոյի միջուկային օբյեկտի՝ հունիսի 19-ին արված արբանյակային լուսանկարները, որոնցում երևում է մուտքի մոտ կայանված տասնյակից ավելի բեռնատար։ Ենթադրվում է՝ Իրանը հարստացված ուրանի մեծ մասը միջուկային կայանից դուրս է բերել ԱՄՆ-ի հարվածից առաջ, քանի որ սպասում էր հարձակման։