Թրամփը մտադիր չէ ռազմական պատասխան տալ Իրանի հարվածներին. CNN

ԱՄՆ նախագահ Դոնալդ Թրամփը մտադիր չէ անհապաղ ռազմական գործողություններ ձեռնարկել ի պատասխան ամերիկյան բազաների վրա Իրանի հարվածների, հաղորդում է CNN-ը՝ վկայակոչելով վարչակազմի աղբյուրին։ Ըստ պաշտոնյայի՝ Սպիտակ տան ղեկավարը նախընտրում է խուսափել Մերձավոր Արևելքի հակամարտություններին ԱՄՆ-ի հետագա ներգրավվածությունից։

Ընդսմին, Թրամփը պատրաստ է սրել առճակատումը, եթե իրավիճակը դա պահանջի, պարզաբանել է հեռուստաալիքի աղբյուրը։ Նա հավելել է, որ Վաշինգտոնը սպասում էր Իրանի պատասխանին Իրանի տարածքում տեղակայված միջուկային օբյեկտներին հարվածելուց հետո. «Մենք վստահ էինք, որ նրանք կպատասխանեն: Նրանց գործողությունները հիշեցնում են Ղասեմ Սոլեյմանիի սպանությունից հետո արձագանքը»:

Հիշենցնեք, որ 2020 թվականին Թրամփի հրամանով Բաղդադի օդանավակայանում սպանվեց իրանցի գեներալ Սոլեյմանին, ինչը հանգեցրեց երկրների միջև հարաբերությունների կտրուկ վատթարացմանը։ Ի պատասխան՝ Իրանը հարվածներ հասցրեց Իրաքում տեղակայված ամերիկյան ռազմաբազաներին։

Ավելի վաղ իրանական լրատվամիջոցները հայտնել էին Կատարում ԱՄՆ ռազմաօդային ուժերի «Ալ Ուդեյդ» բազայի դեմ գործողության մեկնարկի մասին։