Նեթանյահուն տեղեկացրել է կառավարությանը Իրանի հետ հրադադարի մասին

Իսրայելի վարչապետ Բենիամին Նեթանյահուն գիշերային նիստի ժամանակ նախարարների կաբինետին տեղեկացրել է Իրանի հետ հրադադարի վերաբերյալ համաձայնագրի մասին, հաղորդում է իսրայելական պետական ​​Kan հեռուստաալիքը։

«Նեթանյահուն նախարարներին տեղեկացրել է Իրանի հետ հրադադարի վերաբերյալ ձեռք բերված համաձայնագրերի մասին կաբինետի նիստի ժամանակ, որը տևել է գրեթե մինչև ժամը 2:00-ը», - ասվում է հաղորդագրության մեջ։

Նշվում է, որ նիստի ընթացքում Նեթանյահուն բացահայտել է ԱՄՆ նախագահ Դոնալդ Թրամփի հետ զրույցի բովանդակությունը, որի արդյունքում` առաջընթաց է գրանցվել լարվածության թուլացման հարցում։

Հրապարակման հեղինակները ընդգծում են, որ իսրայելցի նախարարներին հանձնարարվել է մամուլին մեկնաբանություններ չտալ մինչև հրադադարից հետո «տեղում ստեղծված իրավիճակը» չպարզաբանվի։

Հունիսի 24-ի գիշերը ԱՄՆ նախագահ Դոնալդ Թրամփը հայտարարել է, որ հակամարտության մեջ ներգրավված կողմերը համաձայնության են եկել հրադադարի վերաբերյալ։ Նա նշել է, որ 24 ժամվա ընթացքում աշխարհը կտեսնի «12-օրյա պատերազմի պաշտոնական ավարտը»։