ՌԴ բանտային համակարգը հերքել է «Նախոդկայի Չիկատիլոյի» տեղափոխման լուրերը

ՌԴ Ֆեդերալ քրեակատարողական ծառայությունը (ՖՍԻՆ) հերքել է տեղեկությունը, թե մահապատժի փոխարեն ցմահ ազատազրկման դատապարտված Վադիմ Կրոտովը, հայտնի որպես «Նախոդկայի Չիկատիլո», տեղափոխվել է Պրիմորյեի մեկուսարան։ Տարածված լուրերը չեն համապատասխանում իրականությանը, հայտնել են գերատեսչությունից Lenta.ru-ին։

Ավելի վաղ ԶԼՄ-ներում տեղեկություն էր շրջանառվում, որ Կրոտովը իբր բողոք էր ներկայացրել այն քննիչների դեմ, որոնք 26 տարի առաջ ձերբակալել էին իրեն։

Կրոտովը դատապարտվել է ցմահ ազատազրկման՝ 13 քրեական հոդվածներով։ Նա երիտասարդ աղջիկների նկատմամբ դաժան սպանություններ էր իրականացրել և մասնատել նրանց մարմինները։ 2001 թվականից նա պատիժը կրում է «Սեւ դելֆին» գաղութում։