Շերեմետևոյում տղամարդը նարկոտիկի ազդեցության տակ ծանր վնասվածք է հասցրել 2-ամյա երեխային

Մոսկվայի Շերեմետևո օդանավակայանում 31-ամյա Բելառուսի քաղաքացի, նարկոտիկի ազդեցության տակ, ուժով գետին է նետել 2-ամյա երեխային։ Մանուկը ծանր գլխուղեղի և ողնաշարի վնասվածքներով տեղափոխվել է հիվանդանոց և այժմ գտնվում է դեղորայքային կոմայի մեջ։ Տղամարդուն բերման են ենթարկել. նրա մոտ հայտնաբերվել է կաննաբիս։ Դեպքի առթիվ հարուցվել է քրեական գործ՝ սպանության փորձի հոդվածով։

Ըստ նախնական տվյալների՝ հունիսի 23-ին ժամանողների գոտում տղամարդը անսպասելիորեն բռնել է օտար երեխային և ամբողջ ուժով գետին նետել։ Տեսախցիկների կադրերից երևում է, թե ինչպես է նա դիտավորությամբ մոտեցել երեխային և հարվածել։ Դեպքի ականատեսները միջամտել են և երեխային շտապ տեղափոխել հիվանդանոց, հայտնում է Лента.ру-ն։

Բժիշկների տեղեկացմամբ՝ փոքրիկի վիճակը ծանր, բայց կայուն է։ Մոսկվայի մանկական իրավունքների պաշտպան Կսենիա Միշոնովան հայտնել է, որ երեխային միտումնավոր մտցրել են դեղորայքային կոմայի մեջ՝ ապաքինման գործընթացն ապահովելու համար։ Մեղադրյալին սպառնում է մինչև 15 տարվա ազատազրկում։