Ֆրանսիայի ափերի մոտ հայտնաբերվել է խորհրդավոր միջնադարյան նավ

Ֆրանսիայի ափերի մոտ՝ Միջերկրական ծովում, հայտնաբերվել է XVI դարի առևտրային նավի մնացորդներ, գրում է Smithsonian Magazine-ը։ Նավը՝ 30 մետր երկարությամբ և 7 մետր լայնությամբ, գտնվել է 2600 մետր խորության վրա Ռամատյուելի շրջանի մոտ։ Նման խորության վրա Ֆրանսիայի տարածքային ջրերում նախկինում նավաբեկում չէր արձանագրվել, ինչն էլ գիտնականների հետաքրքրությունն է առաջացրել։

Նավը, ենթադրաբար, շրջվել է, սակայն պատճառը դեռևս անհայտ է։ Հետազոտողները նկատել են, որ նրա կորպուսի հետին հատվածը ամբողջովին դատարկ է, ինչը բնորոշ չէ առևտրային նավերին։ Փոխարենը՝ նավի առաջնային և միջին հատվածներում հայտնաբերվել է մեծ քանակությամբ լավ պահպանված կերամիկական սպասք և մետաղական ձողեր։

Ավելի վաղ հաղորդվել էր, որ նավը շարժվել է Իտալիայից՝ անհայտ ուղղությամբ։ Հիշեցնենք՝ այս տարվա սկզբին ԱՄՆ ափերի մոտ հայտնաբերվել էր նաև 250 տարի առաջ կործանված կապիտան Կուկի նավը, գրում է Газета.ру-ն։