ՌԴ Պետդումայում առաջարկել են արտաքսել այն միգրանտների ընտանիքներին, որոնց երեխաները դպրոց չեն հաճախում

ՌԴ Պետդումայի «Նոր մարդիկ» խմբակցության ղեկավարի տեղակալ Սարդանա Ավքսենտևան առաջարկել է միգրանտների այն ընտանիքներին, որոնց երեխաները առանց հիմնավորված պատճառի դպրոց չեն հաճախում, արտաքսել երկրից։ Նրա նախաձեռնությունն արդեն ուղարկվել է ՌԴ ՆԳՆ, գրում է ՌԻԱ Նովոստի-ն։

Պաշտոնական տվյալներով՝ ներկայում Ռուսաստանում բնակվում է ավելի քան 638 հազար միգրանտ անչափահաս։ Ավքսենտևայի խոսքով՝ նրանցից մոտ կեսը չի հաճախում դպրոց, իսկ միայն Մոսկվայում շուրջ 80 հազար միգրանտ երեխաներից ընդամենը 25 հազարն է գրանցված ուսումնական հաստատություններում։

Պատգամավորը շեշտել է, որ այս խնդիրը համակարգային բնույթ ունի և պահանջում է օրենսդրական լուծում։