Զելենսկին պաշտոնական հանդիպման է ներկայացել դասական հագուստով

Ուկրաինայի նախագահ Վլադիմիր Զելենսկին Վինձորի ամրոցում Մեծ Բրիտանիայի արքա Կառլ III-ի հետ հանդիպման ժամանակ առաջին անգամ 2022-ից ի վեր հրաժարվել է զինվորական հագուստից՝ նախընտրելով դասական կոստյում։ Նրա արտաքին տեսքն անմիջապես քննարկման թեմա է դարձել, քանի որ ավելի վաղ նա խոստացել էր կոստյում կրել միայն պատերազմից հետո։

Բրիտանական մամուլում նշում են, որ Զելենսկու այս կերպարը կարող է բարկացնել ԱՄՆ նախագահ Դոնալդ Թրամփին, քանի որ նա նախկինում քննադատել էր Ուկրաինայի ղեկավարին պաշտոնական դահլիճներում ոչ դասական ոճով ներկայանալու համար, փոխանցում է Лента.ру-ն։

Զելենսկին չի թաքցնում, որ իր ոճի միջոցով ցանկանում է ընդգծել համերաշխությունը ուկրաինացի ժողովրդի հետ։ Նրա դիզայների խոսքով՝ այս պարզ զինվորական ոճը հատուկ ուղերձ է, որը քաղաքական իմաստ ունի համաշխարհային ասպարեզում։