Նավթի գներն ընկել են, ֆոնդային շուկաները աճել՝ Իրանի և Իսրայելի հրադադարի ֆոնին

Միջազգային շուկաները դրական են արձագանքել Իրանի և Իսրայելի միջև հաստատված հրադադարին։ Brent տեսակի նավթի գինն ընկել է գրեթե 10%՝ հասնելով վերջին շաբաթների նվազագույնին՝ $68.81 մեկ բարելի դիմաց, իսկ ամերիկյան նավթը՝ $65.91։ Միաժամանակ ֆոնդային ինդեքսները կտրուկ աճել են. S&P 500 և Nasdaq ֆյուչերսները՝ մինչև 1%-ով, իսկ եվրոպական Stoxx 600-ը՝ 1.3%-ով։ Նավթի գների անկումը և ռիսկային ակտիվների նկատմամբ հետաքրքրության աճը պայմանավորված են Հորմուզի նեղուցի շուրջ լարվածության նվազումով։

Գերմանիայի պետական պարտքերի ավելացման վերաբերյալ նորություններն ազդել են եվրոպական երկարաժամկետ պարտատոմսերի եկամտաբերության վրա՝ բարձրացնելով 30-ամյա պարտատոմսերի եկամտաբերությունը 3.06%-ի։ ԱՄՆ և Բրիտանիայի եկամտաբերությունները նույնպես փոքր-ինչ աճել են։ Դաշնային պահուստային համակարգի որոշ անդամներ ակնարկում են տոկոսադրույքների հնարավոր կրճատում առաջիկա ամիսներին, թեև շուկան դեռևս մեծ սպասումներ չունի հուլիսյան նիստում փոփոխությունների։

Հրադադարի նորությունները թուլացրել են դոլարը՝ ի վնաս յենի և եվրոյի, որոնք ամրապնդվել են նավթի գների անկման ֆոնին։ Այս ամենի կողքին ոսկու գինը նվազել է 1.4%-ով՝ հասնելով $3,319 մեկ ունցիայի դիմաց, հայտնում է Reuters-ը։