Միլանի տղամարդկանց նորաձևության շաբաթը մեկնարկում է առանց Gucci-ի ու Fendi-ի

Միլանում մեկնարկել է տղամարդկանց նորաձևության շաբաթը, որը կտևի չորս օր։ Դիզայներները կներկայացնեն իրենց տեսլականը գալիք գարնան համար։ Բեմում կլինեն ճանաչված բրենդներ՝ Prada, Giorgio Armani և Dolce & Gabbana, ինչպես նաև նորեկներ՝ բրիտանական Paul Smith, Vivienne Westwood, արաբական Qasimi և ճապոնական Setchu։ Բրիտանացի դիզայներ Սաուլ Նեշը երկրորդ անգամ մասնակցում է միջոցառմանը՝ ներկայացնելով իր սպորտային ոճի հավաքածուն։

Այնուամենայնիվ, նկատելի է Gucci-ի, Fendi-ի և Zegna-ի բացակայությունը։ Gucci-ն դեռ չունի նոր գլխավոր դիզայներ, իսկ Fendi-ն պատճառներ չի հայտնել չմասնակցելու վերաբերյալ։ Zegna-ն իր ցուցադրությունն այս անգամ անցկացրել է Դուբայում։ Brunello Cucinelli, Brioni և Tod’s բրենդները հրաժարվել են ավանդական շոուներից՝ կազմակերպելով ավելի անձնական ներկայացումներ։

DSquared2-ն, որը վերջերս նշել էր իր 30-ամյակը, այս անգամ նույնպես չի կազմակերպի իր ավանդական բարձր էներգետիկայով շոուն, փոխարենը նախատեսում է նոր ձևաչափի միջոցառում, որի մանրամասները դեռ հայտնի չեն, փոխանցում է CNN-ը։