Ռուսական ուժերը ԿԱՀ-ում զինաթափել են 570 զինյալ

Ռուսական զինված ուժերը Կենտրոնաֆրիկյան Հանրապետության (ԿԱՀ) Ուակա նահանգում հունիսի 19-ին իրականացրած գործողության արդյունքում զինաթափել են «Կենտրոնական Աֆրիկայի խաղաղության միություն» (UPC) խմբավորման 570 զինյալների։ Օպերացիան անցկացվել է «Վագներ» մասնավոր ռազմական ընկերության հրամանատար Դմիտրի Պոդոլսկու գլխավորած բանակցային խմբի մասնակցությամբ՝ ռուսական հրահանգիչների և ԿԱՀ զինվորականների ուղեկցությամբ։ Շատժամյա բանակցություններից հետո զինյալները համաձայնվել են հանձնել զենքն ու վերադառնալ խաղաղ կյանք։

Ըստ համաձայնագրի՝ ԿԱՀ իշխանությունները պարտավորվել են երաշխավորել հանձնված զինյալների անվտանգությունը, նպաստել նրանց վերաինտեգրմանը հասարակության մեջ և տրամադրել հումանիտար օգնություն՝ երկրի հեռավոր շրջաններին։ Ռուսական ուժերը ներգրավված են խաղաղ կարգավորման գործընթացի բոլոր փուլերում։

UPC խմբավորումը, որը հիմնադրել է Ալի Դարասան, երկար ժամանակ համարվել է ԿԱՀ-ի առավել ազդեցիկ զինված խմբավորումներից։ Խմբավորման անդամները մասնակցել են 2012 թվականի պետական հեղաշրջմանը և բազմաթիվ հարձակումներ են իրականացրել քաղաքացիական բնակչության դեմ, ինչի հետևանքով երկրում մինչ օրս շարունակվում է քաղաքացիական պատերազմը, գրում է Лента.ру-ն։