Մակրոնը կոչ է արել դադարեցնել ՆԱՏՕ-ի երկրների միջև առևտրային պատերազմները

Ֆրանսիայի նախագահ Էմանուել Մակրոնը դեմ է արտահայտվել ՆԱՏՕ-ի երկրների միջև առևտրային պատերազմներին՝ դաշինքի կողմից պաշտպանական ծախսերը մեծացնելու որոշման ֆոնին, հայտնում է ՏԱՍՍ-ը։

«Մենք, որպես դաշնակիցներ, չենք կարող խոսել պաշտպանական ծախսերը մեծացնելու և առևտրային պատերազմ սկսելու անհրաժեշտության մասին։ Սա անհեթեթություն է», - ասել է նա ՆԱՏՕ-ի գագաթնաժողովից հետո մամուլի ասուլիսում։

Մակրոնը կոչ է արել «նվազեցնել բոլոր այն մաքսատուրքերը, որոնք ներկայումս ուժի մեջ են կամ վերջերս բարձրացվել են»։