Ասադի ներկայացուցիչները ժամանել են Մոսկվա՝ բանակցությունների համար
Մերձավոր Արևելք
Սիրիայի նախագահ Բաշար Ասադի պատվիրակները ժամանել են Մոսկվա՝ Ռուսաստանի ԱԳՆ-ի հետ բանակցություններ վարելու նպատակով, հայտնում է Интерфакс-ը:
Սիրիական պատվիրակությունը գլխավորում է Սիրիայի փոխարտգործնախարար Ֆեյսալ Միքադը: Ենթադրվում է, որ բանակցությունների թեման լինելու է Սիրիայի հակամարտության կարգավորման հարցում ՄԱԿ-ի և Արաբական պետությունների լիգայի հերթական նախաձեռնությունը: Շաբաթ օրը Մոսկվա է ժամանելու նաև Սիրիայի հարցով ՄԱԿ-ի և Արաբական պետությունների լիգայի հատուկ ներկայացուցիչ Լախդար Բրահիմին:
Հակամարտության կարգավորման նոր պլանը նախատեսում է, որ նախագահ Ասադը կմնա իշխանության գլուխ նվազագույնը մինչև 2014 թ., սակայն կզրկվի նոր նախագահական ընտրությունների ժամանակ իր թեկնածությունն առաջադրելու հնարավորությունից: Միաժամանակ Սիրիայում կստեղծվի անցումային կառավարություն, որի նախարարները չեն լինի ոչ ալավիներ և ոչ էլ արմատական սուննիներ (իսլամի հենց այս երկու ուղղությունների միջև է այժմ սուր պայքար ընթանում Սիրիայում): Այս նախագիծը հավանության է արժանացել Մոսկվայի և Վաշինգտոնի կողմից:
Ավելի վաղ Բրահիմին բանակցություններ էր վարել նախագահ Ասադի և ընդդիմադիր խմբավորումների հետ: Ապստամբների հետ վարած բանակցությունները ԶԼՄ-ների կողմից գնահատվում են որպես ձախողված:
ՈՒՂԻՂ ԵԹԵՐ
Ամենադիտված 
Ջուր չի լինի երկար ժամանակ․ հասցեներ
