Պլատինը գին հասել է պատմական ռեկորդի․ սպառնալիք կամ նոր հնարավորությո՞ւն

Պլատինի գինը Comex բորսայում հասել է 1408 դոլարի՝ մեկ տրոյական ունցիայի դիմաց, ինչն այս մետաղի նոր պատմական բարձրակետն է։ Քիչ անց գինը մի փոքր նվազել է՝ հասնելով 1404,7 դոլարի։ Սա շարունակությունն է այն աճի, որի արդյունքում 2025-ին պլատինը թանկացել է 45 տոկոսով՝ հասնելով վերջին տասը տարիների առավելագույնին։

Գների նման կտրուկ աճը մասնագետները բացատրում են ինչպես մատակարարումների պակասով, այնպես էլ Մերձավոր Արևելքում վերջին ժամանակներում տեղի ունեցած ռազմական բախումներով, որոնք ներդրողներին մղել են ապաստանային ակտիվների որոնման։ Մինչև հունիսի 19-ը ունցիան արդեն հատել էր 1350 դոլարի սահմանը՝ առաջին անգամ 2014-ից ի վեր։

Այնուամենայնիվ, Goldman Sachs-ի վերլուծաբանները զգուշացնում են՝ պլատինի թռիչքը կարող է ժամանակավոր լինել։ Ըստ նրանց կանխատեսումների, մետաղը կարող է էժանանալ՝ ընկնելով 800-1150 դոլար գների միջակայքում։