Չինաստանը հեղեղում է ռուսական շուկան պողպատով

2025-ի առաջին հինգ ամիսներին Չինաստանից Ռուսաստան երկաթի և պողպատե արտադրանքի արտահանումը աճել է 16%-ով՝ հասնելով 1.63 միլիարդ դոլարի։ Միայն մայիսին արտահանումը ավելացել է 22%-ով, մինչդեռ նախորդ տարի նույն ցուցանիշն աճել էր ընդամենը 1.3%-ով։

Մասնագետների գնահատմամբ՝ Չինաստանը մեծացնում է արտահանումը ներքին պահանջարկի անկման և արտադրության ծավալները չկրճատելու ցանկության պատճառով։ Հիմնականում Ռուսաստան առաքվում է չժանգոտվող պողպատ, որը տեղում չի արտադրվում, ինչպես նաև էժանագին տաք գլանվածք՝ խողովակների արտադրության համար, Лента.ру-ն։

Միևնույն ժամանակ, ուժեղացած ռուբլին նպաստում է ներմուծումներին, սակայն ռուսական իշխանությունները մտահոգված են ներքին շուկայի անհավասարակշռությամբ։ Եթե ներմուծման աճը շարունակվի, հնարավոր է կառավարական միջամտություն։ Մետաղագործական ոլորտում արդեն զգացվում է տեղական պահանջարկի անկումը, ինչի հետևանքով որոշ գործարաններ կանգնելու վտանգի տակ են։