Պաշտպանական ծախսերի ավելացումը խնդրահարույց է ՆԱՏՕ-ի երկրների համար․ FT

Պաշտպանական ծախսերը ՀՆԱ-ի 5%-ին հասցնելը խնդրահարույց է ՆԱՏՕ-ի երկրների համար։ Այս մասին հաղորդում է Financial Times թերթը՝ հղում անելով եվրոպացի դիվանագետի։

Իսպանիայի վարչապետ Պեդրո Սանչեսը ՆԱՏՕ-ի գլխավոր քարտուղար Մարկ Ռյուտեին ուղղված պաշտոնական նամակում նշել է, որ Մադրիդը չի աջակցի մինչև 2032 թվականը պաշտպանական ծախսերը ՀՆԱ-ի 5%-ին հասցնելու առաջարկին։ Միաժամանակ, վարչապետը առաջարկել է Հաագայում ՆԱՏՕ-ի գագաթնաժողովի եզրափակիչ հռչակագրում 5%-ի նպատակը թողնել՝ որպես կամավոր չափանիշ այն երկրների համար, որոնք պատրաստ են կամ ստիպված են դրան հասնել։

Եվրոպացի դիվանագետը FT-ին ասել է, որ Սանչեսի առաջարկը եսասիրական և անամոթ է, քանի որ ՆԱՏՕ-ի բոլոր անդամ երկրներն ունեն ծախսերի հետ կապված խնդիրներ, սակայն վարչապետը «փորձել է ամեն ինչ պտտել միայն իր շուրջը»։