Պուտինը խոսել է Մերձավոր Արևելքում տիրող իրավիճակի մասին

Մերձավոր Արևելքում իրավիճակը հանդարտվում է։ Այս մասին հայտարարել է Ռուսաստանի նախագահ Վլադիմիր Պուտինը Եվրասիական տնտեսական ֆորումում։

«Աստծո կամքով, Մերձավոր Արևելքում իրավիճակը հանդարտվում է, և  Իսրայելի ու Իրանի միջև հակամարտությունը, փառք Աստծո, նույնպես անցյալի մաս է համարվում», - ասել է նա։

Ավելի վաղ Ռուսաստանի Դաշնության փոխարտգործնախարար Սերգեյ Ռյաբկովը հայտարարել էր, որ Ռուսաստանի և Իրանի միջև գործընկերությունը անխզելի է, և ստեղծված իրավիճակում Թեհրանը գործում է ինքնապաշտպանության իր իրավունքի շրջանակներում։ Նա նշել էր, որ Իրանն ու Ռուսաստանը փոխգործակցում են տարբեր ոլորտներում։