Ռուսական «Պանցիրը» միանգամից ոչնչացնում է տասնյակ անօդաչու թռչող սարքեր

Ռուսական «Պանցիր-SMD-E» զենիթահրթիռային համակարգը կարողացել է միաժամանակ խոցել տասնյակ անօդաչու թռչող սարքեր, այդ թվում՝ FPV տեսակի: «Ռոստեխ» պետական կորպորացիայի հաղորդմամբ՝ դա հնարավոր է դարձել համալրված զինանոցում ընդգրկված 48 մինի հրթիռների շնորհիվ։

Ընկերության տվյալներով՝ մինի հրթիռներն արդեն կիրառվում են Ուկրաինայում ընթացող ռազմական գործողությունների գոտում՝ «Պանցիր-SMD-E» համակարգերում, գրում է Лента.ру-ն։

Ավելի վաղ «Ռոստեխի» ղեկավար Սերգեյ Չեմեզովը հայտնել էր, որ նոր համակարգի հրթիռային պաշարը մեծացվել է չորս անգամ՝ 12-ից հասնելով 48-ի։