Գերիների փոխանակումը նախադրյալ է ՌԴ–Ուկրաինա երկխոսության համար. Պուտին

ՌԴ նախագահ Վլադիմիր Պուտինը հայտարարել է, որ գերիների փոխանակման գործընթացը կարևոր է ոչ միայն հումանիտար տեսանկյունից, այլ նաև՝ որպես հիմք Մոսկվայի և Կիևի միջև խնդիրների բովանդակային քննարկման համար։ Նրա խոսքով՝ այս քայլերը նպաստում են բանակցային դաշտի ձևավորմանը։

Պուտինը նշել է, որ վերջին փոխանակումը տեղի է ունեցել հենց երեկ կամ այսօր։ Նա ընդգծել է, որ նման գործողությունները ստեղծում են պայմաններ կողմերի միջև կառուցողական երկխոսության համար։

Ավելի վաղ նա հայտնել էր նոր բանակցային փուլի մեկնարկի մասին՝ ընդգծելով, որ քննարկման առարկա են լինելու երկու կողմերի պատրաստած համապատասխան հուշագրերը, գրում է Лента.ру-ն։